المنتدى الدكالي
تسجل معنا

مساحة للحوار بين أبناء دكالة


أهلا وسهلا بك زائرنا الكريم, أنت لم تقم بتسجيل الدخول بعد! يشرفنا أن تقوم بالدخول أو التسجيل إذا رغبت بالمشاركة في المنتدى

استعرض الموضوع السابق استعرض الموضوع التالي اذهب الى الأسفل  رسالة [صفحة 1 من اصل 1]

1 بأأنا حمرْ /هيجة بنار في الأربعاء نوفمبر 27, 2013 10:45 pm

mostafa


عضو فعال
عضو فعال
كّالو زهرك زهر يهرس لحجرْ

هي قلة عقل و نقصان نظرْ

كّزركّو الشوكة في خيط ظّْفيرهْ

ملّي كنت صغيرهْ

لموها ف صريرة

دفنوها كبل ل فجر

كندير نكّعَّد وتادي

مالي والي لا تالي

كلشي جفرْ

حيت بويا كان شريفْ ووالي

يركبْ على عودُه ويْشالي

ويعيط بعيوطو :واهيا حمرْ..

تّي تعالي

نركّب بتكحيلة زينة

وسالف مطلوق

من قبله لبحرْ

وفوق راسي صينيّة

عامرَ لوز وتمرْ

كيشافوني قومان الشرّْ

هذا يغمزْ

وهذا يهمزْ

كالو باقي لّ جاي يكحُزْ

بويا صْكرْ

كيشاف الجماعة دارو بيا

حتى الفقيه كفرْ

هذا ينتف

وهذا يكحُشْ

كالو باقي جاي لِّ يهبشْ

واش بقا فِ الكّاعة ماتنهبو الجماعة



جيت نّفّسْ على مابيّ

, كالو ولّيه مضرورهْ

جيت ناخد حقي,

كالو لساني به المرورهْ

زرْكّو دموعي

توسدت الشوك ليلي ونهاري

بردو عليّ ضلوعي

طار نعاسي

ما لقيت باش نغطي راسي

نفضت علي تّْراب وشمّرت عْلَ ذراعي

وشكيت حالي لربي لعالي

شحال مَن عزيز صار حريرو بالي

شحال من عزيز صار حريرو بالي..



الكاتب : بهيجة بنار | بتاريخ : 2013-11-23

استعرض الموضوع السابق استعرض الموضوع التالي الرجوع الى أعلى الصفحة  رسالة [صفحة 1 من اصل 1]

صلاحيات هذا المنتدى:
لاتستطيع الرد على المواضيع في هذا المنتدى